Երևանում մենարկել է ՀԱՊԿ Հավաքական անվտանգության խորհրդի նիստը։ Վարչապետ Նիկոլ Փաշինյանն իր ելութը սկսեց հերթական անգամ քննադատելով ռազմական այս կառույցի գործունեությունը։ Նրա գնահատմամբ՝ ՀԱՊԿ-ի իմիջին մեծ հարված է հասցվել, երբ Ադրբեջանը հարձակվել է Հայաստանի վրա, իսկ ՀԱՊԿ-ը չի արձագանքել։ Փաշինյանը սա համարեցէ ՀԱՊԿ-ի ամենամեծ անհաջողությունը։
«Հայաստանն ավարտում է իր նախագահությունը ՀԱՊԿ-ում։ Տարին թեև հոբելյանական էր, բայց Հայաստանի համար ամենևին էլ հոբելյանական չէր։ Երկու տարվա ընթացքում ՀԱՊԿ անդամ պետությունն առնվազն երեք անգամ հարձակման է ենթարկվել Ադրբեջանի կողմից, և փաստացի մինչև հիմա մենք ՀԱՊԿ-ից որևէ արձագանք չենք ստացել Ադրբեջանի ագրեսիայի վերաբերյալ, ինչը մեծ հարված է հասցնում ՀԱՊԿ-ի իմիջին», – ասաց Հայաստանի վարչապետը։
Նա հիշեցրեց, որ Հայաստանի զինուժը մի գիշերում մեկնել է Ղազախստան, երբ այդ երկրին անհրաժեշտ էր ՀԱՊԿ անդամ երկրների աջակցությունը, որպեսզի կանխվի միջպետական քաոսը։
