Մեծ Բրիտանիան Ադրբեջանի իշխանություններին կոչ է արել ապահովել, որ 2023 թվականի սեպտեմբերին Լեռնային Ղարաբաղում ռազմական գործողության ժամանակ ձերբակալվածներին արդար դատավարության հնարավորություն ընձեռվի, և ապահովվեն անվտանգ պայմաններ՝ Ադրբեջանի միջազգային պարտավորություններին և պարտականություններին համապատասխան. հայտարարել է Մեծ Բրիտանիայի Լորդերի պալատի անդամ Ջենի Չեփմենը։
Նա, մասնավորապես, նշել է. «Բաքվում մեր դեսպանատունը մեծ ուշադրություն է դարձնում այս գործերին և պարբերաբար թարմացնում է տեղեկությունները։ Մենք նաև հետևողականորեն կոչ ենք անում ազատ արձակել մնացած բոլոր ռազմագերիներին։
Պետնախարար Սթիվեն Դութին հարցերը բարձրացրել է Ադրբեջանի նախագահի խորհրդական Էլչին Ամիրբեկովի հետ հոկտեմբերին Մեծ Բրիտանիա կատարած այցի ժամանակ։
Մարտի 10-ին Ադրբեջանի նախագահի գլխավոր խորհրդական Հիքմեթ Հաջիևի հետ հանդիպմանը պետնախարարը Ադրբեջանին միաժամանակ կոչ է արել օգտվել Հայաստանի հետ պատմական խաղաղության պայմանագիր ստորագրելու հնարավորությունից»։
Ջենի Չեփմենը վստահեցրել է, որիր երկրի վարչապետն ու արտգործնախարարը ևս փոխանցել են այս ուղերձները:
