Հունգարիան Բաքվին է արտահանձնել Ռամիլ Սաֆարովին, բայց և միջամտել է, որ 5 հայ գերիներին Բաքուն վերադարձնի Երևանին. սա պատճառ է, որ Հայաստանում ու Հունգարիայում դեսպանատներ բացվեն

16

Հունգարիան շուտով Հայաստանում կբացի դեսապանատուն, Հայաստանը՝ Հունգարիայում։ Այս մասին ԱԺ-ում Կառավարության հետ հարցուպատասխանի ժամանակ հայտարարեց ՀՀ արտաքին գործերի նախարար Արարատ Միրզոյանը։

Ինչպես հայտնի է, 2012 թվականին Հունգարիան արտահանձնեց հայ սպա Գուրգեն Մարգարյանին քնած ժամանակ կացնահարած ադրբեջանցի սպա Ռամիլ Սաֆարովին, որին Բաքվի օդանավակայանում դիմավորեցին մեծ շուքով ու Ադրբեջանի ազգային հերոսի կոչում տվեց։

Արարատ Միրզոյանն այսօր հիշեց, որ, այո, Հունգարիան արտահաանձնել էմարդասպան Ռամիլ Սաֆարովին։

«Բայց երբ կշեռքի նժարների վրա ենք դնում նաև այն, որ անցյալ տարի Հունգարիայի միջամտությամբ Բաքուն Հայաստանին հանձնեց 5 հայ ռազմագերիների, 100. հազար սրվակ պատվաստանյութով օգնեց քովիդի դեմ պայքարող Հայաստանին, պարզ է դառնում, որ Հունգարիայի հետ պետք է դիվանագիտական հարաբերություններ ունենանք»,-ասաց Արարատ Միրզոյանը։