ԱԺ «Քաղաքացիական պայմանագիր» խմբակցության պատգամավոր Գևորգ Պապոյանը, 24news-ի հետ զրույցում անդրադառնալով Երևանի ավագանու ընտրություններին, ընտրողների մասնակցության ցածր ցուցանիշին, ասաց, որ դա ևս դիրքորոշում է։
«Ունեմ մտավախություն, որ, այնուամենայնիվ, մեր ընտրողների մի զգալի մասը չի գնացել ընտրության այն մտայնությամբ, որ ՔՊ-ն միևնույն է հաղթելու, բայց դա մեր քաղաքացիների որոշելիքն է։ Վարչական ռեսուրս, բարեբախտաբար, չենք կիրառել ու չէինք էլ կարող կիրառել, եթե կիրառեինք, ապա մասնակցությունը կլիներ 2013-ի կամ 2017-ի չափ»,- ասաց նա։
Անդրադառալով մեկ բնակարանում 50-ից ավելի օտարերկրացիների գրանցման հանգամանքին, պատգամավորն ասաց․
«Հայաստանը տնտեսապես արագ զարգացող երկիր է, ՀՀ-ում աշխատուժը չի բավարարում ու աշխարհի տարբեր երկրներից մարդիկ գալիս են աշխատելու։ Երբ մարդը Հնդկաստանից 50 հոգու աշխատանքի է ընդունում, պետք է ինչ-որ տեղ գրանցի, որ այդ մարդկանց էլ կարողանա գրանցել»։
