Երբ սկսվում է պաշտոնական քարոզարշավի շրջանը, սա ոչ թե իրավունքի շրջան է, այլ սահմանափակումների, այսինքն՝ քաղաքական ուժերը մինչև քարոզարշավի մեկնարկն ազատ են քարոզչություն կատարելու, այսօրվա ասուլիսի ժամանակ հայտարարեց ԿԸՀ նախագահ Վահագն Հովակիմյանը՝ անդրադառնալով փաստին, որ թեև քարոզարշավը պաշտոնապես չի մեկնարկել, փակցված Հայաստանի մի շարք բնակավայրերում ՔՊ-ի նախընտրական պաստառներ են փակցված։
Ըստ նրա՝ քաղաքական ուժերը, որոնք ՏԻՄ կամ ԱԺ ընտրություններին մասնակցելու հավակնություններ ունեն, 4 տարի 11 ամիս ազատ են եղել քարոզություն ծավալելու, և իրենց քարոզչության սահմանափակումները սկսվում են պաշտոնական քարոզարշավի մեկնարկի պահից։
Հարցին՝ ո՞ր միջազգային կառույցներին են դիտորդական առաքելություն իրականացնելու հրավերներ ուղարկվել, Վահագն Հովակիմյանը պատասխանեց՝ ԿԸՀ-ն առայժմ ոչ մի օտարերկրյա կառույցի հրավեր չի ուղարկել։
