Փառուխի հանձնումն ու Ավետիք Չալաբյանի կալանավորումը

Քաղաքագետ Ստեփան Դանիելյանը գրել է.
Ավետիք Չալաբյանի մեղադրանքն այնքան անհեթեթ է ու անիմաստ նրան կալանքի տակ պահելը, որ առաջանում է հարց` ո՞րն է դրա պատճառը։
Կարծիք է ձեւավորվում, որ պատճառը պաշտպանության ոլորտում Ավետիքի կատարած կարեւոր գործունեությունն է։
2016-ից սկսած բանակի համար կարեւոր գործեր է կատարել’ ռազմատեխնիկական բնագավառում ու դա շարունակ է Արցախում, նաեւ մինչ վերջերս՝ Փառուխում, «Արար» հիմնադրամի շրջանակում։ Հնարավոր է, որ Փառուխի հանձնմանն է խոչընդոտել եւ դա է հիմնական պատճառը եղել։
Հիմքեր կան կասկածելու, որ գործող իշխանությունն Ադրբեջանի առջեւ, հասարակությունից գաղտնի, պարտավորություն է վերցրել բանակի արդիականացման համար քայլեր չկատարել, որի երաշխիքներից մեկն էլ ԳՇ-ի պետ չնշանակելն է։
Եթե ուշադիր լինեք, ապա Ալիեւը պարբերաբար զգուշացնում է մեր բանակի ռեֆորմների ու վերազինման անթույլատրելի լինելու մասին, ամենայն հավանականությամբ, հիմնվելով հնարավոր գաղտնի պայմանավորվածությունների վրա։
Տրամաբանական է թվում, որ Ադրբեջանի պահանջով է Ավետիքը կալանավորվել։