Ազատամարտիկ Վահան Բադասյանի գործը երեկ ուղարկվել է դատարան։
Այս պահին դեռեւս հայտնի չէ, թե գործն ում է մակագրվել։
Ըստ մեղադրանքի՝ Բադասյանը 2021 թվականի հունվարի 28-ին հնչեցրել է իշխանությունը զավթելուն եւ սահմանադրական կարգը բռնի տապալելուն ուղղված հրապարակայն կոչեր:
Նրան մեղադրանք է առաջադրվել ՀՀ ՔՕ 301-րդ հոդվածի հատկանիշներով (իշխանությունը զավթելուն, տարածքային ամբողջականությունը խախտելուն կամ սահմանադրական կարգը բռնի տապալելուն ուղղված հրապարակային կոչերը):
Նշենք, որ Բադասյանն իրեն առաջադրված մեղադրանքը չի ընդունում։
