84 տարեկանում մահացել է Վրաստանի ժողովրդական արտիստ, դերասան, երգիչ Վախթանգ Կիկաբիձեն։
Ցավալի լուրը հայտնել է արտիստի պրոդյուսերը։
Վախթանգ Կիկաբիձեն ծնվել է 1938 թվականի հուլիսի 19-ին Թբիլիսիում։ 1966 թվականին առաջին անգամ հանդես է եկել կինոյում՝ ռեժիսոր Նիկոլայ Սանիշվիլիի «Հանդիպում լեռներում» ֆիլմում։
1959 թվականին նա դարձել է Թբիլիսիի ֆիլհարմոնիայի արտիստ: Էստրադայում նրա ստեղծագործական ուղու սկիզբը կապված է «Դիելո» եւ «Օրերա» ջազ համույթների հետ, որտեղ ելույթ է ունեցել 1960-ական եւ 1970-ական թվականներին:
Կիկաբիձեի ամենհիշվող դերերից մեկը Վալիկո Միզինդարի կերպարն էր Գեորգի Դանելիայի «Միմինո» ֆիլմում։ Այն էկրան բարձրացավ 1978 թվականին և արժանացավ ԽՍՀՄ պետական մրցանակի։
Մի շարք հայտնի երգերի կատարող է՝ «Չիտո գրիտո», «Իմ տարիները իմ հարստությունն են» և այլն։
1966 թվականին Վախթանգ Կիկաբիձեն ընդունվել է «Օրերա» համույթ (հարվածային գործիքներ, վոկալ)։ 1969 թվականին առաջին անգամ նկարահանվել է Գեորգի Դանելիայի «Մի՛ վշտանա» ֆիլմում, որի համար 1970 թվականին Կարտախենայի միջազգային կինոփառատոնին արժանացել է մրցանակի տղամարդու լավագույն դերի համար։ Հաջորդ նշանակալի ֆիլմը 1973 թվականին ռեժիսոր Գեորգի Շենգելայայի «Վերիյսկի թաղամասի մեղեդին» էր։ 1977 թվականին էկրան բարձրացավ Դանելիայի «Միմինո» ֆիլմը, որը 1978 թվականին արժանացավ ԽՍՀՄ պետական մրցանակի։
