Սիրիայի նոր իշխանությունները պաշտոնապես խնդրել են Ռուսաստանին արտահանձնել երկրի նախկին նախագահ Բաշար ալ Ասադին դատավարության համար։
Այս մասին X սոցցանցում հայտնում է Al Arabia հեռուստաալիքը՝ վկայակոչելով աղբյուրներ։
Այլ մանրամասներ հեռուստաալիքը չի հայտնել։
Ավելի վաղ ՌԴ նախագահ Վլադիմիր Պուտինն ուղերձ է հղել սիրիական պետության ղեկավար Ահմեդ ալ Շարաային։
Պուտինը հաստատել է Ռուսաստանի պատրաստակամությունը՝ զարգացնելու գործնական համագործակցությունը Սիրիայի ղեկավարության հետ օրակարգային բոլոր հարցերի շուրջ, ասել է Պեսկովը։
Նրա խոսքով՝ ՌԴ նախագահն աջակցել է Սիրիայի ղեկավարության ջանքերին՝ ուղղված երկրում իրավիճակի արագ կայունացմանը։
