Ամերիկայի Փոխ-Նախագահ Տիար Ճէյ Տի Վենս Կատարեց Իր Առաջին Պաշտօնական Այցը Սուրբ Յարութեան Տաճար
Հինգշաբթի, 23 Հոկտեմբեր, 2025-ին, Ամերիկայի Միացեալ Նահանգներու փոխ-նախագահ՝ Տիար Ճէյ Տի Վենս, կատարեց իր առաջին պաշտօնական այցը Սուրբ Յարութեան Տաճար՝ Քրիստոնեայ աշխարհի ամենանուիրական սրբավայրերէն մէկը։
Տաճարի մուտքին Տիար Տի Վենս դիմաւորուեցաւ Սուրբ Յարութեան Տաճարի իրաւատէր երեք համայնքներու հոգեւոր պետերէն, ապա մուտք գործեց Տաճար: Պատանատեղւոյն երկրպագելէ ետք բարձրացաւ Սուրբ Գողգոթա, այցելեց Սուրբ Գերեզման, ապա Հայոց Ուշաթափման վայրին մէջ Գերաշնորհ Տ. Կորիւն Եպիսկոպոս Բաղդասարեան՝ Երուսաղէմի Հայ Պատրիարք Ամենապատիւ Տ. Նուրհան Արքեպիսկոպոս Մանուկեանի եւ Սրբոց Յակոբեանց Միաբանութեան կողմէ, բարի գալուստ մաղթեց եւ խօսեցաւ Սուրբ Երկրին մէջ հայկական ներկայութեան մասին:
Այնուհետեւ, Պատրիարքութեանս կողմէ Տիար Տի Վենսի նուիրեց Երուսաղէմի մէջ յայտնի Հայկական յախճապակիի արուեստի նմոյշներէն՝ գեղեցիկ յուշանուէր՝ նուռ մը, որ կը խորհրդանշէ խաղաղութիւն, պտղաբերութիւն եւ բարօրութիւն։
Դիմաւորման արարողութեան Հայոց Պատրիարքութեան կողմէ ներկայ էին Գերաշնորհ Տ. Կորիւն Եպիսկոպոս Բաղդասարեան, Սուրբ Յարութեան Տաճարի առժամեայ տեսուչ՝ Հոգեշնորհ Տ․ Տիրան Վարդապետ Յակոբեան եւ Դիւանապետ՝ Աղան Վարդապետ Գոգչեան:
«Այսօր պատիվ ունեցա Երուսաղեմի հայ պատրիարքի անունից Ս. Հարության տաճարում դիմավորելու ԱՄՆ փոխնախագահ տիար Ջեյ Դի Վենսին և տիկնոջը ու հայկական բաժնում ներկայացնելու Հայ եկեղեցու և Երուսաղեմի հայոց պատրիարքության մասին հակիրճ տեղեկություն»,- գրել է Երուսաղեմի Հայոց Պատրիարքության կալվածոց տեսուչ Կորյուն եպիսկոպոս Բաղդասարյանը:
