Ռուսաստանը պատրաստ է էլ ավելի մեծացնել գազի մատակարարման ծավալները այլ երկրներ, հայտարարել է ՌԴ նախագահ Վլադիմիր Պուտինը Ռուսաստանի էներգետիկ շաբաթվա լիագումար նիստի ժամանակ:
«Եթե մեզ խնդրում են ավելացնել, մենք պատրաստ ենք նորից ավելացնել: Մենք ավելացնում ենք այնքան, որքան մեր գործընկերները մեզ խնդրում են: Ոչ մի մերժում չկա: Ոչ մի։ Նույնիսկ անցյալ տարիների դժվար աշուն-ձմեռ ժամանակահատվածներում, եթե մեր գործընկերները խնդրում էին ավելացնել մատակարարումները՝ նույնիսկ պայմանագրային պարտավորությունները գերազանցելով, մենք միշտ դա անում էինք: Եվ մենք դա անում ենք հիմա», – ՏԱՍՍ-ի հաղորդմամբ՝ նշել է պետության ղեկավարը:
«Գազպրոմը» գազի մատակարարումները Եվրոպա ավելացրել է 10%-ով, իսկ, ընդհանուր առմամբ, Ռուսաստանը 15%-ով», – ասել է Պուտինը:
