Ուկրաինական կողմը հաղորդում է Բախմուտի մոտ ռուսական ուժերին ջախջախիչ հարված հասցնելու մասին

Ուկրաինայի զինված ուժերի դեսանտագրոհային 3-րդ բրիգադի հրամանատար Անդրեյ Բիլեցկին ասել է, որ նախօրեին լոկալ հակահարձակման արդյունքում ուկրաինական ուժերը Բախմուտի մոտ ջախջախիչ հարված են հասցրել ռուսական բանակի 72-րդ բրիգադի ստորաբաժանումներին. հայտնում է «Ազատությունը»։

Բիլեցկուասելով՝ ռուսական կողմից զգալի թվով զինծառայողներ են գերեվարվել, մեծ կորուստներ է կրել նաև «Վագների» 3-րդ գրոհային ջոկատը։

Ուկրաինայի զինված ուժերի հրամանատարությունը հաղորդում է, որ 3 կմ լայնությամբ և 2,6 կմ խորությամբ տարածք է ազատագրվել, առանց նշելու կոորդինատները։

Ըստ այլ աղբյուրների՝ «Վագների» ղեկավար Եվգենի Պրիգոժինը հաստատել է, որ ռուսական բանակի 72-րդ բրիգադի զիվորները փախուստի են դիմել։