Ո՞ր օդանավակայաններն են փակ Ռուսաստանում

Ռուսաստանի հարավային և կենտրոնական մասի օդանավակայաններում թռիչքների սահմանափակման ռեժիմը կրկին երկարացվել է: Այս մասին ասվում է   Օդային տրանսպորտի դաշնային գործակալության հաղորդագրության մեջ ։ Ժամանակավորապես սահմանափակվել են թռիչքները դեպի Անապա, Բելգորոդ, Բրյանսկ, Վորոնեժ, Գելենջիկ, Կրասնոդար, Կուրսկ, Լիպեցկ, Դոնի Ռոստով, Սիմֆերոպոլ և Էլիստա օդանավակայաններ։ Ռուսական ավիաընկերություններին առաջարկվում է ուղևորների փոխադրում կազմակերպել այլընտրանքային երթուղիներով՝ օգտագործելով Սոչիի, Վոլգոգրադի, Միներալնիե Վոդիի, Ստավրոպոլի և Մոսկվայի օդանավակայանները։ Ուկրաինայում ռազմական գործողության ֆոնին Ռուսաստանը փետրվարի 24-ից փակել է օդանավակայանների մի մասը։ Ի սկզբանե իշխանությունները մինչև մարտի 2-ը թռիչքների իրականացման սահմանափակում են մտցրել։