ԲՀԿ ղեկավար Ծառուկյանը «ճ» կլասի գործակալ է, այսօր Շնողում քարոզարշավի ժամանակ հայտարարեց Նիկոլ Փաշինյանը։
«Երեկ նայում եմ՝ ասում ա, դե գիտեք ինչ՝ ես չեմ իջնում էդ մակարդակին, բան չեմ ասում։ Իրա հետ կապված պրոբլեմը գիտեք՝ ո՞րն ա. ախր դու իրոք չես կարա իջնես էդ մակարդակին, որովհետև քո մակարդակն էնքան ցածր ա, որ դու իջնելու տեղ չունես։ Հակառակ դեպքում կիջնեիր։ Իջնելու համար դու պետք ա գետինը մտնես, գետնի վրա պետք ա չերևաս, որովհետև քո մակարդակը պլինտուսից ցածր ա։
Ծառուկյանի փեսա, Կոտայքի նախկին մարզպետ Կարապետ Գուլոյանի առանձնատունն այլևս ՀՀ ժողովրդի սեփականությունն է։ Հիմա ուղիղ ասում եմ՝ շատ շուտով Ծառուկյանի բիզնես-ողնաշարը՝ Արարատի ցեմենտի գործարանը, լինելու է պետական և պատկանելու է Հայաստանի Հանրապետությանը։ ՀՀ կառավաչրությունն արդեն իսկ գրություն է ստացել ՀՀ դատախազությունից, որ այդ գույքը ենթակա է պետականացման։
Մենք ինչպես նշանակեցինք կառավարիչ ՀԷՑ-ում, այնպես էլ Արարատի ցեմենտի գործարանում ենք նշանակելու կառավարիչ։ Ես գործարանի բոլոր աշխատակիցներին շնորհավորում եմ ազատագրման առիթով, էս պահից նրանք Ծառուկյանի որևէ հրահանգ կատարելու կարիք չունեն, որովհետև նրանց գործատուն այլև Հայաստանի Հանրապետությունն է։ Արարատ ցեմենտը շատ շուտով վերադարձվելու է ՀՀ ժողովրդին»,- հայտարարեց Փաշինյանը։
