Բելգորոդ քաղաքն ու Բելգորոդի շրջանը զանգվածային գնդակոծության են ենթարկվել Ուկրաինայի զինված ուժերի կողմից։ Արկերից մեկը հարվածել է բազմաբնակարան բնակելի շենքին։ Տեղեկությունը հայտնել է ՌԴ Բելգորոդի մարզպետ Վյաչեսլավ Գլադկովը իր Telegram-ալիքում։
«Բելգորոդ քաղաքն ու Բելգորոդի շրջանը զանգվածային գնդակոծության են ենթարկվել Ուկրաինայի զինված ուժերի կողմից։ Խարկովսկայա գորայում բնակելի շենքի վրա արկի ուղիղ հարվածի հետևանքով փլուզվել է 10-հարկանի շենքի շքամուտքը։ Մեկնել եմ դեպքի վայր: Մանրամասները՝ ավելի ուշ», – նշել է մարզի ղեկավարը։
Ավելի վաղ քաղաքում մի քանի անգամ հրթիռային վտանգ էր հայտարարվել։
Բելգորոդի ռմբակոծված շենքերից մեկի բնակիչը պատմել է, որ մեկ ակնթարթում ամեն ինչ փլվել է, ապակիներ են ջարդվել, բնակարաններ են ավերվել։
ՌԴ ԱԻՆ-ը շարունակում է փլատականերում մնացած մարդկանց որոնումները։
Տուժածների մասին դեռևս տեղեկություն չկա։
