Մեզ չի հետաքրքրում Հայաստանի վերաբերմունքը Իրևանի ղազիաթի վերականգնման նկատմամբ. հայտարարել է Կովկասի մուսուլմանների վարչության նախագահ Ալլահշուքյուր Փաշազադեն:
Նա նշել է, որ Իրևանի ղազիյաթը նոր չի ստեղծվել, այլ վերականգնվել է։
«Հետագա ժամանակահատվածներում Իրևանի ղազիյաթի գործունեությունը դադարեցվեց՝ Երևանից ադրբեջանցիների տեղահանման պատճառով։ Մենք հույս ունենք, որ կրկին կվերադառնանք մեր հողեր։ Եթե Ղազիաթը շարունակի իր գործունեությունը այսօր այստեղ, ապա մենք կարծում ենք, որ այն շուտով կգործի նաև այդ հողերում»,- հայերի մասին զրպարտչական հայտարարությամբ, ՀՀ ինքնիշխան տարածքի նկատմամբ պահանջներ դնելով՝ ասել է նա։
Դատելով ՀՀ իշխանությունների՝ ադրբեջանցիներին ՀՀ տարածքում գրկաբաց ընդունելու, նրանց տեղ տալու քաղաքականությունից՝ (հիշենք, որ Ալեն Սիմոնյանն ասել է՝ խաղաղության համաձայնագրի կնքումից 5 րոպե հետո հայերն ու ադրբեջանցիներն առևտուր են անելու) Փաշազադեն ավելի քմահաճ ու ագրեսիվ է դարձել։
