Միացյալ Նահանգներում (Կալիֆոռնիա) իր մահկանացուն է կնքել ՀԱՀԳԲ անդամ, հանրահայտ «Վան» գործողությունն իրականացրած մարտախմբի փոխհրամանատար, Արցախի ազատագրման գործուն մասնակից «Մեծն Մուրադ» ջոկատի հրամանատար ԳԵՎՈՐԳ ԳՅՈՒԶԵԼՅԱՆԸ. հայտնում է ՀԱՀԳԲ նվիրյալների գործունեության ուսումնասիրությամբ զբաղվող գրականագետ Կարո Վարդանյանը։
Խունկ և խոնարհում հերոսի հիշատակին։
«13-ը հունիսի, 94 թ.
Երևան
Երկար ժամանակ օրագրատետրս չէի բացել։ Պատերազմի ավարտական փուլն այնքան լարված էր, որ գոյությունն էլ էի մոռացել: Արցախն ազատագրելուց հետո
Երևան վերադարձա ու տեսա, որ Հաղթանակի դափնիները վայելում են նրանք, ովքեր սեփական արտասահմանյան շքեղ ինքնաշարժերով էին դիրքերում հայտնվում ու չէին էլ գիշերում…
Մարտադաշտում անարդարության դեմ կռվելը շատ ավելի հեշտ է, քան խաղաղ պայմաններում։
Մանավանդ՝ հաղթանակած զինվորի համար։
Այստեղ ես ավարտում եմ գրառումներս, որ օրագրատետրս հանձնեմ Գրիգոր Ջանիկյանին։ Ինչո՞ւ։ Ինքը գիտի։
Իսկ ես արտագաղթում եմ Միացյալ Նահանգներ։ Ինչո՞ւ
Միայն ես գիտեմ։
Մնա՜ս բարով, Հայրենիք։ Ես քեզ սիրում եմ»։
ԳԵՎՈՐԳ ԳՅՈՒԶԵԼՅԱՆ
