Միավորված ազգերի կազմակերպությունը մտահոգություն է հայտնել Սև ծովում ականների մասին հաղորդագրությունների առնչությամբ: Այդ մասին ուրբաթ օրը ՄԱԿ-ի Անվտանգության խորհրդի նիստում հայտարարել է Համաշխարհային կազմակերպության քաղաքական հարցերով գլխավոր քարտուղարի տեղակալ Ռոզմարի Դի Կարլոն, գրել է ТАСС-ը։
«Սև ծովում քաղաքացիական նավերի վրա հնարավոր հարձակումների հետ կապված սպառնալիքներն անընդունելի են: Մենք նաև անհանգստացած ենք Սև ծովում ականների մասին հաղորդագրություններով, որոնք սպառնում են քաղաքացիական նավերին», – ասել է Դիկարլոն:
Նրա խոսքով՝ ՄԱԿ-ը «կոչ է անում զերծ մնալ հետագա հռետորաբանությունից կամ գործողություններից, որոնք կարող են սրել առանց այն էլ վտանգավոր իրավիճակը»:
