Առաջիկա շաբաթվա ընթացքում ԱՄՆ Կոնգրեսի Ներկայացուցիչների պալատի մեծ պատվիրակություն կժամանի Հայաստան: «Փաստինֆո»-ի հետ զրույցում տեղեկությունը հայտնեց ԱԺ նախագահի մամուլի խոսնակ Ծովինար Խաչատրյանը։
Նա հավելեց, որ այցի հստակ օրը հայտնի կդառնա ավելի ուշ: Ծովինար Խաչատրյանը նշեց, որ պատվիրակության կազմի վերաբերյալ առայժմ որևէ բան չի կարող հայտնել. «Կազմի վերաբերյալ դեռ որևէ բան չեմ կարող ասել, բայց կարող եմ նշել, որ բավականին ներկայացուցչական կազմով են գալիս: Նրանք դեռևս ամռանը պետք է գային Հայաստան, բայց ինչ-ինչ պատճառներով չստացվեց, և այցը տեղափոխվել է մյուս շաբաթ »:
Աղբյուր` Փաստինֆո
