«Ազատ կամք» նախաձեռնությունը 2021թ. հոկտեմբերի 7-ին ժամը 18:30-ին հրավիրում է հանրահավաք՝ Երևանի Հանրապետության Հրապարակ, Շատրվանների մոտ: Այս մասին իր ֆեյսբուքյան էջում գրել է նախաձեռնության ղեկավար, Փաստաբանների պալատի նախկին նախագահ, Զարթոնք» ազգային-քրիստոնեական կուսակցության գործադիր մարմնի ղեկավար Արա Զոհրաբյանը:
«ՀՈԿՏԵՄԲԵՐԻ 7-ԻՆ ԺԱՄԸ 18:30-ԻՆ ՀԱՆՐԱՀԱՎԱՔ ՀԱՆՐԱՊԵՏՈւԹՅԱՆ ՀՐԱՊԱՐԱԿՈւՄ. Ո’Չ, ՊԱՐՏԱԴԻՐ ՊԱՏՎԱՍՏՄԱՆԸ
Սիրելի հայրենակիցներ,
Ինչպես գիտեք Առողջապահության նախարարի հայտնի հրամանն անվավեր ճանաչելու պահանջ ենք ներկայացվել վարչական դատարան: Դատարանից խնդրել ենք կասեցնել հրամանի գործողությունը մինչև դատաքննության ավարտը: Դատարանը վարույթ ընդունելու հարցին անդրադառնում է մեկ շաբաթյա ժամկետում, այիսնքն մինչև հոկտեմբերի 8-ը:
Տեղեկացնում ենք, որ «Ազատ կամք» նախաձեռնությունը 2021թ. հոկտեմբերի 7-ին ժամը 18:30-ին հրավիրում է հանրահավաք՝ Երևանի Հանրապետության Հրապարակ, Շատրվանների մոտ:
Հանրահավաքն ապակուսակցական է և բացի պարտադիր պատվաստման հարցից այլ օրակարգ չունի: Հանրահավաքի թույլտվությունն ունենք: Քաղաքապետարանը համապատասխան որոշում է կայացրել:
Մինչև հանրահավաքի օրը շարունակում ենք ստորագրահավաքը:
Որքան շատ ստորագրություն հավաքենք և որքան շատ մարդ մասնակցի հանրահավաքին, ապա իշխանությունները ստիպված են լինելու հաշվի նստել հանրային պահանջի հետ:
Կրկին պնդում ենք, որ «Ազատ կամք» նախաձեռնությունը պայքարում է պատվաստելու ՊԱՐՏԱԴԻՐ պահանջի դեմ:
Մենք գտնում ենք, որ քաղաքացին պետք է գիտակցված որոշում ընդունի պատվաստվի, թե՝ ոչ: Չի կարելի պարտադրել քաղաքացուն»:
Տեսանյութը դիտեք այս հղումով ՝ https://www.facebook.com/228552663962430/videos/266973621954452
