Մեր ժողովուրդն ակնկալում է, որ հայկական բանակը պետք է լինի մեր անվտանգության երաշխավորը. բանակը մեր պետության ռազմական հզորության առանցքն է։ Այս մասին այսօր «Եռաբլուր» զինվորական պանթեոնում լրագրողների հետ զրույցում ասաց պաշտպանության նախկին նախարար, ԱԺ պատգամավոր Սեյրան Օհանյանը՝ անդրադառնալովՆիկոլ Փաշինյանի՝ Հայոց բանակի 34-ամյակին նվիրված այսօրվա ելույթին։
Նախկին նախարարը չի կարծում, որ ուղերձն ամբողջությամբ արտացոլում է ներկա իրականությունը։
«Հայկական բանակը ձևավորվելէ զրոյից՝ մեծ չարչարանքի անհավասար պայմաններում հասել է մի իրավիճակի, որ հաղթել է, մերչ տարածաշրջանում եղել է մրցունակ, այն փոխգործունակ է եղել միջազգային գործընկերների հետ։ Հայկական բանակը մինչև 2018 թվականը կատարել է իր առջև դրված խնդիրը։
Հասարակ բառերով՝ էդ էր պակաս, որ այս ողբերգությունենրից ու անհաջողություններից հետո քայլեր չձեռնարկեին բանակի մարտունակությունը վերականգնելու ուղղությամբ։ Բայց այս 5 տարիները բաց թողնված ժամանակահատված են»,- ասաց Սեյրան Օհանյանը։
Պաշտպանության նախկին ին նախարարը միաժամանակ նշեց՝ իրենք նույնպես շատ սխալներ են թույլ տվել, բայց, ի տարբերություն ներկա կառավարության, աշխատել են դրանք ամբողջությամբ վերացնելու ուղղությամբ։
Անդրադառնալով ՀԱՊԿ-ի հետ հարաբերությունների թեմային՝ Սեյրան Օհանյանը շեշտեց՝ դրանք փչացրել է Նիկոլ Փաշինյանը։ ։
Նա, մասնավորապես, հիշեցրեց ՀԱՊԿ գլխավոր քարտուղար Յուրի Խաչատուրովի ձերբակալության մասին։
Իսկ ինչ վերաբերում է Պրահայում ձեռք բերված պայմանավորվածություններին, նախկին նախարարը դրանք հայ ժողովրդի համար խայտառակություն որակեց։
«Նա (նկատի ունի Նիկոլ Փաշինյանին՝ խմբ․) զրոյացրեց բանակցությունների բազմամյա փորձը, պոտենցիալը, ինչպես նաև պայքարը Լեռնային Ղարաբաղի համար՝ ճանաչելով Ադրբեջանի տարածքային ամբողջականությունը»,- ասաց Սեյրան Օհանյանը։
