Հայաստանը ստացել է Վաշինգտոնում ՆԱՏՕ-ի գագաթաժողովի՝ գործընկերների ձևաչափով միջոցառմանը և կազմակերպության 75-ամյակին նվիրված հարակից միջոցառումներին մասնակցելու հրավեր և հաստատել է մասնակցությունը: Այս մասին հայտնում են ՀՀ ԱԳՆ-ից` պատասխանելով այն հարցին, թե ադրբեջանական «Թուրան» գործակալությունը հայտնում է, որ հուլիսի 15–ին՝ ՆԱՏՕ–ի գագաթնաժողովին, նախատեսվում է հրավիրել նաև Հայաստանի և Ադրբեջանի ղեկավարներին, արդյոք հայկական կողմը հրավեր ստացել է, եթե այո, Փաշինյանը կմասնակցի՞ գագաթնաժողովին։
ԱԳՆ-ից հայտնում են, որ այս պահին այլ պայմանավորվածություն չկա:
Նշենք, որ ԱՄՆ պետքարտուղարի Եվրոպայի և Եվրասիայի հարցերով օգնական Ջեյմս Օ’Բրայենն այսօր Բաքվում հայտարարել է, որ Ադրբեջանին եւս հրավիրել են այդ գագաթնաժողովին։ Ավելին, հայտնել ԱՄՆ-ի պատրաստակամությունը Վաշինգտոնում կազմակերպել Հայաստանի ու Ադրբեջանի արտգործնախարարների հանդիպումը։
