Կոսովոն փակել է Սերբիայի հետ իր ամենամեծ սահմանային անցակետը

Կոսովոն փակել է իր ամենամեծ սահմանային անցակետը Սերբիայի հետ այն բանից հետո, երբ բողոքի ակցիայի մասնակցիներն այն փակել են սերբական կողմից՝ Կոսովոյում իրենց կողմնակիցներին աջակցելու համար. հաղորդում է Reuters-ը։

Քանի որ Սերբիայի հետ սահմանին երկու այլ անցակետեր դեկտեմբերի 10-ից Կոսովոյի կողմից փակ են համանման բողոքի ակցիաների պատճառով, երկու երկրների միջեւ առկա անցակետերից բաց են միայն երեքը։

Վերջին ակցիան տեղի էր ունեցել մի քանի ժամ անց այն բանից հետո, երբ Սերբիան հայտարարել էր, որ իր բանակը առավելագույն մարտական պատրաստության է բերվել Բելգրադի եւ Պրիշտինայի միջեւ մի քանի շաբաթ տեւած լարվածության սրումից հետո։

Բելգրադյան լրատվամիջոցների հաղորդմամբ՝ երեքշաբթի սերբերը բեռնատար ու տրակտորներ են օգտագործել Կոսովոյի արեւելյան սահմանի Մերդարե անցակետից քիչ հեռու նոր անցակետ ստեղծելու համար։