Չինաստանում կոմկուսի գլխավոր քարտուղար վերընտրվեց Սի Ցզինպինը։ ԱՄՆ հետմերձեցման կողմնակիցները պարտություն կրեցին և դուրս մնացին կուսակցության ղեկավար կազմից. գրում է «Լույս» տեղեկատվական-վերլուծական կենտրոնի ղեկավար Հայկ Այվազյանը։
Խորացնում են հարաբերությունները նաև Ռուսաստանն ու Իրանը։ Մինչև տարվա վերջ նախատեսվում է համապարփակ համաձայնագրի ստորագրում Ռուսաստանի և Իրանի միջև։
«Ռուսաստան-Չինաստան-Իրան հակաամերիկյան բլոկը ամրապնդվում է։ Եվ այս պայմաններում Հայաստանի ընթացքը դեպի Արևմուտք, եթե չասեմ ինքնասպանություն, ապա շատ ծանր հետևանքներ կարող է ունենալ մեզ համար։ ԱՄՆ-ը փորձում է Հայաստանը վերածել իր հակառակորդների դեմ դիվերսիոն գործողություններ վարելու հենակետի»,-նկատել է վերլուծաբանը։
