Արագածոտնի թեմի առաջնորդ Մկրտիչ եպիսկոպոս Պռոշյանը կալանավորվեց 2 ամսով: Երևան քաղաքի առաջին ատյանի ընդհանուր իրավասության քրեական դատարանը` դատավոր Կարեն Ֆարխոյանի նախագահությամբ, բավարարեց քննիչի ներկայացրած միջնորդությունը։
Պաշտպան Երեմ Սարգսյանը հայտնեց, որ տեսակցությունները սահմանափակվել են այլ անձանց հետ՝ բացառությամբ մերձավոր ազգայանի՝ մոր՝ նշելով, որ բողոքարկելու են որոշումը:
Մեղսագրվող հոդվածներից մեկը (2021թ. ընտրության մասնակցելուն հարկադրելու և կոնկրետ անձին ընտրելու) այն պահին, երբ ենթադրյալ արարքը կատարվել է, հանցագործություն չի համարվել:
Նշենք, որ Մուղնիի Սուրբ Գևորգ եկեղեցու հոգևոր հովիվ, Արագածոտնի թեմի դիվանապետ Տեր Գարեգին Արսենյանը ևս մեկ ամսով կալանավորվեց։
