«Մելիքբեկյան, հեռացիր» պահանջը կրկնվել է նաև Թբիլիսիում

Հայաստանի հավաքականի երկրպագուները Թբիլիսիի «Դինամո Արենայում» «Հեռացի՛ր, հեռացի՛ր» վանկարկումներով պահանջում են Հայաստանի ֆուտբոլի ֆեդերացիայի ղեկավարության հրաժարականը։

Հիշեցնենք, որ Հայաստանի հավաքականը պարտվեց Վրաստանին 6։1 հաշվով։

Խաղը դիտելու համար Նիկոլ Փաշինյանը կառավարության այլ անդամների հետ մեկնել էր Թբիլիսի։

Ազգերի լիգայի B դիվիզիոնի ուղեգրի համար անցումայի փլեյ-օֆֆի պատասխան խաղում Հայաստանի հավաքականը հյուրընկալվել է Վրաստանի թիմին։

Ինչպես Երևանում, այնպես էլ Թբիլիսիում կայացած խաղերի ընթացքում հայ երկրպագուները նույն պահանջն են ներկայացրել՝ ՀՖՖ նախագահի հրաժարականը։

Երևանում, մարտի 20-ին տեղի ունեցած խաղում Վրաստանի հավաքականը Հայաստաննի հավաքականին հաղթել է 3։0 հաշվով։