Հայտնի բլոգեր Ալեքսանդր Լապշինը սոցցանցի իր էջում համեմատել է ՀԱՄԱՍ-ի և Բաքվի բատերում գերիներին պահելու անմարդկային պայմանները։ Նա մեկ տարի անց է կացրել Բաքվի բանտերում. իր մաշկի վրա զգալով ֆիզիկակական ու հոգեբանական խոշտանգումների ցավը՝ հանրայնացրել է, թե ինչ ծանր վիճակում են գտնվում հիմա հայ գերիներն ու պատանդները Բաքվում։
«Զուգահեռ անցկացնեմ Գազայում «ՀԱՄԱՍ» ահաբեկչական կազմակերպության զինյալների՝ իսրայելցի պատանդների նկատմամբ վերաբերմունքի և Ադրբեջանի իշխանությունների՝ հայ գերիների նկատմամբ վերաբերմունքի միջև։
ՀԱՄԱՍ-ը պատանդների հետ լուսանկարներ է հրապարակել՝ ստիպելով նրանց շնորհակալություն հայտնել ահաբեկիչներին և ասել, որ նրանք հիանալի կենսապայմաններ ունեն և իրենց նկատմամբ հանդուրժող են: Ահաբեկիչներին ուղեղը չի հերիքել գոնե ֆոտոսեսիայի համար պատանդներին տեղափոխել մեկ այլ՝ ավելի պատշաճ վայր։ Դրանից հետո աշխարհն իմացել է, որ ՀԱՄԱՍ-ի իսլամիստները մեկուկես տարի պատանդներին պահում են բետոնե խցերում՝ գետնի տակ, առանց պատուհանների, առանց արևի լույսի, առանց նվազագույն հարմարությունների։ Պատանդները նման են Օսվենցիմի համակենտրոնացման ճամբարի բանտարկյալներին. դեմքներին գրված են նրանց «ուրախությունն ու երախտագիտությունը» ահաբեկիչներին։
Եվ ահա, հայերը ադրբեջանական բանտերում պահվում են մոտավորապես նույն պայմաններում՝ բետոնե խցերում, առանց պատուհանների, գրեթե առանց արտաքին աշխարհի հետ կապի, սարսափելի սննդակարգով, որից սկսում ես կտրուկ նիհարել, վնասել առողջությունը, ատամներն ու մազերը թափվում են։ Երբ այդ դժբախտ հայ գերիներին ստիպում են հայտարարություններ անել՝ որքան երախտապարտ են մեծ առաջնորդ Ալիևին նրա իմաստնության, հանդուրժողականության, հարգալից վերաբերմունքի, բանտում ապրելու հրաշալի պայմանների համար, միշտ հիշեք այս մասին,-գրել է բլոգերը:
Ինչպես հայտնի է, Բաքվում ապօրինաբար պահվող Արցախի ռազմաքաղաքական ղեկավարների նկատմամաբ հաշվերհարդար-դատավարության վերջին նիստին նրանց ստիպել են տեսախցիկի առաջ հայտարարել, թե ադրբեջանցիներն իրենց «լավ են վերաբերվում»։
