Հարգելի հայրենակիցներ, մինչ դուք զբաղված էիք իբր «խաղաղության» համաձայնագրով, քպ իշխանությունները 750 մլն դոլարով ավելացրին ՀՀ պետական պարտքը։
Պարտքի այս խմբաքանակը այնքան գրավիչ է եղել կապիտալիստ ներդրողների համար, որ պահանջարկը կազմել է 2.6 մլրդ ԱՄՆ դոլար։
Աշխարհի քարտեզի վրա քիչ երկրներ կան, որոնք դոլարային 7.1 տոկոսով վարկ են վերցնում։
Որպեսզի հասկանաք, թե ինչ տարօրինակ գին է , ընդամենը հիշեցնեմ, որ մինչ այս գործարքը, Հայաստանի արտաքին պարտքի տոկոսադրույքը եղել է ոչ ավելի 3.5 տոկոսից։ Ինչ-որ մեկը, ով սերտ կապեր ունի արտասահմանյան ֆինանսական խմբերի հետ, իշխանափոխությունից հետո պետք է բացատրի՝
1. Ինչո՞ւ է 2.6 մլրդ պահանջարկ եղել մեր պարտատոմսերի նկատմամբ։
2. Ինչո՞ւ է ինվեստորներին առաջարկվել 7.1 տոկոսային մակարդակ:
3. Ո՞վ է շահագրգիռ, որ բյուջետային դեֆիցիտ և ազատ անկման մեջ գտնվող տնտեսություն ունեցող երկրին տրամադրի նման ռեսուրսներ նախընտրական տարում։
4. Ո՞վ է այն երջանիկ աստղի տակ ծնված Լոնդոնի բորսայում գործող ֆինանսական բրոքերը, ում վստահում են ՀՀ ֆինանսական տիտանները։
2025թ. մարտի 5-ին Հայաստանի Հանրապետությունը միջազգային կապիտալի շուկայում տեղաբաշխեց 750 մլն ԱՄՆ դոլար ծավալով, 10 տարի մարման ժամկետով եվրապարտատոմսեր` 7.1% եկամտաբերությամբ:
Սա Հայաստանի կողմից միջազգային կապիտալի շուկայում եվրապարտատոմսերի հինգերորդ թողարկումն է:
Եվրապարտոմսերի թողարկումը նախատեսված է 2025 թվականի պետական բյուջեի մասին ՀՀ օրենքով, ներառված է 2025 թվականի փոխառությունների ծրագրում:
Եվրապարտոմսերի թողարկումից ստացված զուտ հասույթը կօգտագործվի պետական բյուջեի դեֆիցիտի ֆինանսավորման նպատակով:
Եվրապարտատոմսերի տեղաբաշխման պայմանները.
Թողարկող’
Հայաստանի Հանրապետություն
Տեղաբաշխված ծավալ’
750,000,000 ԱՄՆ դոլար
Գնանշման օր’
2025թ. մարտի 5
Մարման օր
2035թ. մարտի 1
Եկամտաբերություն
7.1000%
Լրացուցիչ համեմատության համար տեղադրում ենք investing .com կայքում առկա տեղեկատվությունը Անգլիայի բանկի 10 տարվա պարտատոմսերի եկամտաբերության վերաբերյալ։
Հայաստան՝ 7.1 տոկոս, Անգլիա՝ 4.6 տոկոս
Հրայր Կամենդատյան, տնտեսագետ, «Հայաքվե» ազգային քաղաքացիական միավորման ներկայացուցիչ
