2025 թվականի ընթացքում «Հայաստան-Արցախ հիմնադրամը» (ՀԱՀ) նվիրաբերել է ընդհանուր արժողությամբ 45 միլիոն դոլարի կենսական նշանակության դեղամիջոցներ՝ 41 միլիոն դոլարի Հայաստանին և 4 միլիոն դոլարի Լիբանանին։ Այս դեղամիջոցներն ու բժշկական պարագաները տարվա ընթացքում ուղարկվել են ծովային և օդային ճանապարհով՝ 30 առանձին առաքումներով։
«Մենք բարձր ենք գնահատում մի շարք խոշոր ամերիկյան ընկերությունների և բարեգործական կազմակերպությունների կողմից արժեքավոր դեղամիջոցների նվիրաբերումը, որոնք «Հայաստան-Արցախ Հիմնադրամի» երկարամյա գործընկերներ են», նշել է ՀԱՀ-ի նախագահ Հարութ Սասունյանը։ Վերջին 36 տարիների ընթացքում, ներառյալ իր նախորդ կազմակերպության՝ «Միացյալ հայկական հիմնադրամի» միջոցով իրականացված առաքումները, ՀԱՀ-ը Հայաստանին և Արցախին մատակարարել է ընդհանուր 1.1 միլիարդ դոլարի մարդասիրական օգնություն՝ 168 օդային և 2624 ծովային առաքումներով։
«Հայաստան-Արցախ հիմնադրամին» պարբերաբար անվճար տրամադրվում են միլիոնավոր դոլարների արժողությամբ կենսական նշանակության դեղամիջոցներ և բժշկական պարագաներ։
Մենք մեծապես գնահատում ենք Ձեր առատաձեռն նվիրատվությունները, որպեսզի կարողանանք շարունակել այս արժեքավոր օգնությունը հասցնել Հայաստանի բոլոր բժշկական կենտրոններին», հավելել է Սասունյանը։
«ՀԱՀ բարեգործական կազմակերպությանը կատարված բոլոր նվիրատվությունները հարկային արտոնություններ են ստանում Միացյալ Նահանգներում»։
Լրացուցիչ տեղեկությունների համար կապ հաստատել ՀԱՀ-ի հետ՝ sassoun@pacbell.net
Գլենդել, Կալիֆորնիա
