Կարծում եմ՝ ձեր քաղաքական առաջնորդի խոսքին ականջալուր կլինեք․հիմնադրամի հավաքագրած գումարների օգտագործումը ուսումնասիրելու համար քննիչ հանձնաժողով կստեղծվի

Խորհրդարանում կստեղծվի քննիչ հանձնաժողով, որն ուսումնասիրելու է «Հայաստան» համահայկական հիմնադրամի կողմից հավաքագրված եւ Հայաստանի Հանրապետության պետական բյուջե փոխանցված միջոցների օգտագործումը։

«Պատիվ ունեմ» խմբակցության քարտուղար Հայկ Մամիջանյանը նշեց, որ 44-օրյա պատերազմի առաջին իսկ օրից հիմնադրամը հանրահավաք է կազմակերպել, իսկ հետո հավաքված գումարի շուրջ միլիարդը փոխանցվել է պետական բյուջե:

Հայկ Մամիջանյանը նշեց, որ հանձնաժողովի ստեղծումը միտված է՝ ցրելու օդում կախված այն լուրերը, որ պետական բյուջե փոխանցված գումարները ծախսվել են անարդյունավետ․

«Ես հիմանդրամի կայքում չեմ հանդիպել հաշվետվության ու աուդիտի արդյունքների հրապարակումը: Սրա չհրապարակումը իմ համար տարակուսելի է։ Կարծում եմ, որ դուք ձեր քաղաքական առաջնորդի խոսքին ականջալուր կլինեք, երբ իմ հարցին ի պատասխան՝ նա ասաց, որ որևէ խնդիր չկա ու քննիչ հանձնաժողովի ստեղծման հետ որևէ խնդիր չի տեսնում: Եթե, նույնիսկ, ՔՊ-ն՝ որպես մեծամասնություն, չներկայացնի իր անդամներին հանձնաժողովի անդամությանը՝ այդպիսով տորպեդահարելով քննիչ հանձնաժողովի աշխատանքը, այդ հանձնաժողովը, միևնույն է, ստեղծված է օրենքի պահանջով»,- ասաց Մամիջանյանը:

Աղբյուր` Փաստինֆո