Խայտառակ ապօրինությունների հետևանքով ունենք մի քանի քաղբանտարկյալ. իրավապաշտպան

Իրավապաշտպան Ռուբեն Մելիքյանը ֆեյսբուքյան իր էջում գրում է․
ՀԵՂԻՆԱԿԱՎՈՐ (ինչու չէ՝ նաև ՍԵՆՍԱՑԻՈՆ) ՄԱՍՆԱԳԻՏԱԿԱՆ ԿԱՐԾԻՔ.
Մայիսի 1-ից ի վեր ու հատկապես վերջին օրերին քպ-ական իշխանությունները աջ ու ձախ շաղ են տալիս 316-րդ հոդվածներ (ոստիկանի նկատմամբ բռնություն), 225-րդ հոդվածներ (զանգվածային անկարգություններ) և այլն։ Այդ հոդվածները կիրառվում են ակնհայտ ապօրինի, և այդ խայտառակ ապօրինությունների հետևանքով ունենք մի քանի քաղբանտարկյալ՝ Իգոր Խաչատուրով, Հայկ Սարգսյան, Ազատ Մուրադյան և այլն։ Միևնույն ժամանակ, իրավունքի ճանաչված մասնագետները, իրար հերթ չտալով, շարունակում են այս անամոթներին բացատրել, որ իրենց արածը խայտառակ ապօրինություն է։