Բելառուսի նախագահ Ալեքսանդր Լուկաշենկոն Պեկինում Չինաստանի նախագահ Սի Ցզինպինի հետ բանակցությունների ժամանակ նշել է միակ հիմնական հարցը, որը կցանկանար քննարկել՝ երկկողմ համագործակցության զարգացման ծրագրերn արագ իրականացնելն է. հայտնում է «Ռիա Նովոստի»-ն։
Ըստ Լուկաշենկոյի՝ ժամանակը «այնքան քիչ է, որ երբեմն հետ ենք մնում և ժամանակ չունենք»։ «Դա տեղի է ունենում աշխարհում ամենուր, և նա, ով առաջինն է հասնում իր նպատակին, հաղթում է»,- հավելել է Լուկաշենկոն։
Նա նշել է, որ «Բելառուսի և Չինաստանի միջև համապարփակ և ռազմավարական համագործակցության զարգացումը պայմանավորված է գաղափարախոսությունների ընդհանրությամբ և այսօր տեղի ունեցող համաշխարհային իրադարձությունների ու գործընթացների տրամաբանությամբ»:
«Մարտի 1-ի մեր հանդիպումը շատ առումներով ճակատագրական էր և որոշեց ամբողջ տարվա դինամիկան: Մարտից սկսած՝ կազմակերպվել է ավելի քան 120 փոխայցելություն, դրանք տարբեր այցեր են, և ինձ ամենաշատը գոհացնում են արտադրության հետ կապված այցելությունները, առեւտրատնտեսական հարաբերությունները»,- ասել է Բելառուսի նախագահը։
