«Արցախի նախագահը Հայաստանի վարչապետի աթոռին նստած մարդու հետ քննարկելու օրակարգ ունի, բայց դա պետք է լինի Արցախի անվտանգության օրակարգը, Արցախը հայկական պահելու օրակարգը։
Եթե Արայիկ Հարությունյանն ունի այդ համարձակությունը ՝ պաշտպանելու Արցախի ժողովրդի իրավունքներն ու շահերը, պետք է շատ հստակ փոխանցի ՀՀ վարչապետի աթոռը զբաղեցնող մարդուն՝ դու իրավունք և մանդատ չունես երկիրը տանելու նոր զիջումների։ Բայց մեծ հույս չունեմ»,- քիչ առաջ Ֆրանսիայի հրապարակում լրագրողների հետ զրույցում ասաց ԱԺ փոխխոսնակ, «Դիմադրություն» շարժման համակարգող Իշխան Սաղաթելյանը։
Հունիսի 3-ին նախատեսված Աժ արտահերթ նիստի մսին հավելեց. «Վաղը կարևոր օր է լինելու և անկախ նրանից՝ քաղաքական մեծամասնությունը կգնա Խորհրդարան, թե ոչ, ընդդիմությունը կգնա։ Իրենք դեռ ժամանակ ունեն խելքի գալու և մասնակցելու, քանի որ չի կարող երկրի կենսական շահերի հետ առնչություն ունեցող խնդիրը խորհրդարանում քննարկվի և քաղաքական մեծամասնությունը փախչի»։
Ֆրանսիայի հրապարակում ճեպազրույցի ժամանակ վաղվա նիստի թեմային անդրադարձել է նաև «Հայաստան» ծմբակցության պատգամավոր Արթուր Ղազինյանը։ Նա նշել է. «Խորհուրդս է․ եթե մեջները մնացած, իրենց հայ համարող, հայկական շահին ծառայող մարդիկ կան, թող մի կողմ դնեն իրենց բոլոր պայմանավորվածությունները, վախերը Փաշինյանից և նրա փոքր թիվ կազմող խմբակից, վաղն արժանապատիվ ներկայանան նիստին ու ասեն՝ եկել ենք հաստատելու, որ հայ ենք, ծառայում ենք հայկական շահին։
Դեռ ժամանակ ունեք, որովհետև այն, ինչ կլինի վաղը, այլևս պատմության մեջ անջնջելի է մնալու»։
