Իսրայելում սկանդալ է ծագել վարչապետ Բենիամին Նեթանյահուի գրասենյակից տեղեկությունների արտահոսքի պատճառով՝ ոստիկանությունը հետաքննություն է անցկացնում, գրում է Times of Israel-ը։
Վարչապետի աշխատակազմում մամուլի քարտուղարի արտահոսքի շուրջ շարունակվող սկանդալի ֆոնին երեքշաբթի դատարանը թույլ է տվել հրապարակել անցյալ տարի անցկացված լրացուցիչ ոստիկանական հետաքննություններ հանցագործությունների վերաբերյալ տեղեկություն, որոնք առնչվում են պատերազմական ժամանակ հանդիպումներին:
Գործի մանրամասների մեծ մասը գաղտնի է մնում, սակայն վարչապետ Բենիամին Նեթանյահուն, կարծես թե, հաստատել է, որ հետաքննությունը կապված է իր գրասենյակի հետ՝ հանդես գալով հայտարարությամբ՝ այն «պատերազմական ժամանակներում վարչապետի գրասենյակի աննախադեպ թիրախավորում» անվանելով: Ավելի վաղ դատարանը թույլ էր տվել հրապարակել տեղեկություն, ըստ որի՝ ոստիկանությունը հետաքննում է Գազայի հատվածում պատերազմի բռնկմանն առնչվող «հանցավոր միջադեպերը»։
«Ոստիկանության «Լահավ 433» քննչական բաժինը պատերազմի սկզբից քրեական հետախուզում է իրականացրել՝ միջադեպերի առնչությամբ, այդ թվում՝ մի քանի բաց հետաքննություններ»,-ասված է հաղորդագրությունում։
«Լահավ 433»-ը հետաքննում է ծանր հանցագործությունները, ներառյալ կոռուպցիան՝ պետական հատվածում:
Ըստ իսրայելական լրատվամիջոցների հաղորդագրությունների՝ հետաքննությունն առնչվում է այն պնդումներին, որոնք ի հայտ եկան այս տարվա սկզբին, այն է՝ Նեթանյահուն փորձում էր հանրության աչքից թաքցնել Գազայում պատերազմ վարելու մասին իր խոսակցությունները:
Այս տարվա սկզբին Ynet լրատվական կայքը հայտնել էր, որ անվտանգության բարձրաստիճան պաշտոնյաները մտավախություն ունեն, որ ջանքեր են գործադրվում խմբագրելու Նեթանյահուի հետ պատերազմական բանակցությունների սղագրությունները, երբ հակասություններ են հայտնաբերվել հանդիպումների սղագրությունների և այդ պաշտոնյաների իրական ժամանակում լսածի միջև:
Այն ժամանակ Նեթանյահուի գրասենյակը հերքել էր տեղեկությունը՝ այն «բոլորովին սուտ» անվանելով:
Ինչպես հայտնում է Haaretz պարբերականը, ոստիկանությունը շուրջ վեց ամիս հետաքննում է գործը՝ վարչապետի աշխատակազմի նախկին աշխատակցի բարձրացրած մտահոգությունների պատճառով։ Ընթացիկ հետաքննության մասին լուրերը ի հայտ են եկել գլխավոր դատախազին առնչվող հերթական աճող սկանդալի ֆոնին, երբ բացահայտվում է, որ Իսրայելի պաշտպանության բանակի պահած գաղտնի փաստաթղթերը, իբր, սիստեմատիկորեն գողացվել են և հայտնվել վարչապետին մոտ կանգնած պաշտոնյաների ձեռքում, որոնք քաղաքական նպատակներով դրանք փոխանցել են լրատվամիջոցներին:
Անցած շաբաթվա ընթացքում մի քանի կասկածյալներ են ձերբակալվել՝ եվրոպական լրատվամիջոցներին ազգային անվտանգության գողացված գաղտնի տեղեկությունների արտահոսքի առնչությամբ: Այս շաբաթվա սկզբին դատարանը թույլ է տվել հրապարակել կասկածյալներից մեկի՝ Նեթանյահուի նախկին մամուլի քարտուղար Էլի Ֆելդշթեյնի անունը։
Հաղորդվում է նաև, որ ձերբակալվել է իսրայելական բանակի (ՑԱԽԱԼ) չորս զինծառայող։
