Իսրայելը սպառնում է խզել հարաբերությունները Starlink-ի հետ, եթե Մասկը Գազայում օգտագործելու համակարգ տրամադրի:
Իսրայելի կապի նախարար Շլոմո Կարհին ասել է, որ երկրի իշխանությունները կխզեն կապերը Իլոն Մասկի Starlink ընկերության հետ, եթե գործարարը թույլ տա Գազայի հատվածում օգտագործել արբանյակային կապի համակարգերը։
Շաբաթ օրը Մասկը ասել է, որ Starlink-ը Գազայում գործող միջազգային մարդասիրական կազմակերպություններին արբանյակային կապի համակարգեր կտրամադրի: Ներկայում այնտեղ չկա կապի հնարավորություն, ինչի պատճառով տարբեր գերատեսչություններ չեն կարողանում կապ հաստատել իրենց աշխատակիցների հետ։
«ՀԱՄԱՍ-ը սա կօգտագործի ահաբեկչական գործունեության համար. դրանում կասկած չկա, Մասկն էլ դա գիտի։
Իսրայելը կանի հնարավոր ամեն բան դա կանխելու համար»,- գրել է կապի նախարարը X սոցիալական ցանցում։
Ավելի վաղ Պաղեստինի հեռահաղորդակցության և տեղեկատվական տեխնոլոգիաների նախարար Իսհակ Սիդրը հայտնել էր, որ կապի մեջ է միջազգային կազմակերպությունների հետ՝ Գազայի հատվածում դրանք Starlink-ին միացնելու հարցով։
