Այն խոսքերը, որոնք վերագրվում են Հրայր սարկավագ Հակոբյանին, իրականության մեջ խնդիրը լրիվ այլ տեղ է։ Դրանք համատեքստից կտրված մտքեր են ու մոնտաժված»,- այսօր հրավիրած ասուլիսում ասաց «Սրբազան շարժման» գործի շրջանակներում կալանավորված Հրայր սարկավագ Հակոբյանի պաշտպան Հովսեփ Սարգսյանը։
Հիշեցնենք, որ գլխավոր դատախազի ներկայացրած միջնորդագրում Հրայր սարկավագին վերագրվում են հետևյալ խոսքերը․ «Իսկ եթե Նիկոլին, Արարատին, Ալենին մի տեղում վերացնեն, իրանցից էլ իշխանության մարդ չի գա, չէ՞: Իշխանությունը կփոխվի, ու իմ հետ ոչ մի բան չի լինի: Էդ երեքին մի տեղ բռնացնենք»։
Ըստ փաստաբանի՝ ինքը հանդիպել է Հրայր սարկավագին և նրանից ճշտել, թե արդյոք այս մտքերը ինքն է հնչեցրել։
«Եվ, ըստ էության, հերքեց, ասաց, որ դա իրեն չի պատկանում։ Եվ խոսակցությունը, որը ենթադրաբար իրեն վերագրվում է, դա ընդհանուր բովանդակությունից կտրված է»,- նշեց Հովսեփ Սարգսյանը։
Նա նաև նշեց, որ նախաքննական մարմինը միջդատական վարույթի հենց այս փուլում անդրադարձ է կատարում այնպիսի խոսքերի կամ արտահայտությունների, որոնք կարող են շատ արագ ու էֆեկտիվ նշանակություն ունենալ հանրության վրա։
«Եվ անպայման փորձում են ձևակերպել այն հանգամանքը, որ գործել է ահաբեկչական խումբ, կամ ահաբեկչության նախապատրաստություն է տեղի ունեցել։
Իմ պատկերացմամբ՝ Հրայր սարկավագի մեղքն այն է, որ նա, որպես հոգևորական, ծառայել է Արցախում և Արցախից հարկադրաբար Հայաստան վերադառնալուց հետո եղել է Բագրատ սրբազանի կողքին։ Այնքանով, որքանով եղել է Բագրատ սրբազանի կողքին, նախաքննական մարմինը նրա մեղքը փաստարկել է հենց դրանով»,- հավելեց փաստաբանը։
Ասուլիսին ներկա մյուս փաստաբան Մհեր Հակոբյանն էլ տեղեկացրեց, որ «Սրբազան պայքարի» գործի շրջանակներում կալանավորված 15 անձանց գործերում էլ գրված է, որ ունեն ընդգծված հակաիշխանական դիրքորոշում, հակառակվում են երկրի վարած արտաքին քաղաքականությանը։
«Ուղիղ նշված է՝ ընդգծված հակաիշխանական կեցվածք ունի, որ եթե ազատության մեջ մնա, կգնա, կշարունակի։ Մի հատ թող դա հրապարակեն ու բացատրեն՝ այս 30 տարվա մեջ երբ են մարդուն տարել կալանքի ու գրել, որ ունի ընդգծված հակաիշխանական դիրքորոշում»,- նշեց Մհեր Հակոբյանը։
Նրա խոսքով՝ ըստ իրավապահ մարմինների՝ երկրում «ահաբեկչություն» էր պատրաստվում, բայց միակ գործողությունը, որն իրենք իրականացրել են, գաղտնալսումն է։ «Ինչո՞ւ են բոլորը գյուլլելու վրա կենտրոնանում, այնտեղ տարբեր բաներ են ներկայացնում՝ աստղիկներ, գլխավոր դատախազն ասում է՝ զենք կա և այլն։ Բայց բոլորն էս գյուլլելու վրա են կանգ առել, որովհետև ուրիշ բան չկա տակը։ Եթե դու ահաբեկչության նախապատրաստում ես բացահայտել, եթե աստղիկներ լինեին, եթե գյուլլելն են սենց տարածում, բա դա ոնց կտարածեին։ Այսինքն՝ բացի խոսքից, ուրիշ բան չկա, իսկ այդ խոսքն էլ սղագրություն է, այնտեղ ԱԱԾ մի աշխատող նստած սղագրում է։ Իսկ էդ գյուլլելը կարա հազար ու մի խոսակցություն լինի, օրինակ՝ իշխանությունը վերցնում ենք, Ջերմուկ մտած թուրքերին գյուլլում ենք»,- հավելեց Մհեր Հակոբյանը։
