Ես ձեզ ասում եմ՝ ինձ լսեք, ամեն ինչ նորմալ կլինի։ Օրենքի տառը պահպանում ենք, Գյումրիի քաղաքապետարանում հայտարարեց քաղաքապետ Վարդան Ղուկասյանը։
«Գնում են, թող նայեն, ինչ որ է, ոնց որ պետք է։ Ինչ ուզում է՝ լինի։ Դրանից հետո ամեն ինչ կերևա, ամեն ինչ կանենք»,- ասաց Վարդան Ղուկասյանը։
Նա ուժայինների ուղեկցությամբ դուրս եկավ իր աշխատասենյակից։ Քաղաքապետարանի աշխատակիցները չէին ցանկանում թույլ տալ, որ նրան ձերբակալեն։
Հիշեցնենք, որ Գյումրի համայնքի մի խումբ պաշտոնատար անձանց կողմից խոշոր չափերով կաշառք ստանալու, վերջիններիս կաշառք տալու մեղադրանքներով ձերբակալվել է 8 անձ: Նախաձեռնված քրեական վարույթի շրջանակներում ութ անձանց, ներառյալ՝ համայնքի ղեկավարի նկատմամբ, կայացվել են հանրային քրեական հետապնդումներ հարուցելու և ձերբակալելու մասին որոշումներ։
