Բաթումիում ծեծի են ենթարկել նախկին վարչապետ Գիորգի Գախարիային

Վրաստանի նախկին վարչապետ, «Հանուն Վրաստանի» ընդդիմադիր կուսակցության առաջնորդ Գիորգի Գախարիան հոսպիտալացվել է այն բանից հետո, երբ Բաթումիի հյուրանոցներից մեկում նրա վրա հարձակվել են, հայտնում է վրացական «Իմեդի» հեռուստաալիքը ։

Միջադեպը տեղի է ունեցել ուշ գիշերը։ Ընդդիմադիր «Մտավարի արխի» հեռուստաալիքը պարզաբանել է, որ Գախարիայի վրա հարձակվել է իշխող «Վրացական երազանք-Ժողովրդավարական Վրաստան» կուսակցության պատգամավոր Դմիտրի Սամխարաձեն, Աջարիայի էկոնոմիկայի և ֆինանսների փոխնախարար Գեորգի Մանվելիձեն, ինչպես նաև, հնարավոր է, իշխող կուսակցությունից մեկ այլ պատգամավոր Վառլամ Լիպարտելանին։

Գախարիան դեմքի վնասվածքներով հոսպիտալացվել է, հետազոտվել և արդեն դուրս է գրվել։

Միջադեպի առնչությամբ Վրաստանի ՆԳՆ-ն քրեական գործ է հարուցել Վրաստանի քրեական օրենսգրքի «Բռնություն» հոդվածով։Բաթումիում հարձակման է ենթարկվել Վրաստանի նախկին վարչապետ Գիորգի Գախարիան։

Հեռուստաալիքի տվյալներով՝ ընդդիմադիր կուսակցության առաջնորդը դեմքի վնասվածքներով հոսպիտալացվել է, հետազոտվել, ապա դուրս գրվել։