«Ն.Ս.Օ.Տ.Տ. Արամ Ա. Վեհափառ Հայրապետը ջերմորեն շնորհավորեց Հռոմի պապին՝ մաղթելով, որ իր ընտրությամբ նոր ու փայլուն էջ կբացվի կաթոլիկ եկեղեցու ժամանակակից պատմության մեջ։
Անդրադառնալով ներկայիս աշխարհը դիմագրավող տագնապներին ու մարտահրավերներին եւ եկեղեցու վրա դրանց հետեւանքներին, Հայրապետը շեշտեց եկեղեցու առաքելության ու ավետարանչության նոր շեշտ տալու հրամայականը եւ այս համատեքստում նորընտիր Պապի կարեւոր դերը՝ իր ունեցած տարիների փորձառության լույսի ներքո։
Իր նամակի ավարտին, Արամ Ա. Կաթողիկոս աղոթք բարձրացրեց առ Աստված, որ հոգեպես ու ֆիզիկապես զորացնի նորընտիր Հռոմի պապին՝ վերջինիս ստանձնած ծանր ու պատասխանատու նոր առաքելության մեջ»,- նշվում է հաղորդագրության մեջ։
