Առողջապահության համաշխարհային կազմակերպության մի խումբ մասնագետներ մեկնել են Թուրքմենստան, որտեղ պաշտոնապես չի արձանագրվել կորոնավիրուսի ոչ մի դեպք։ Այցի հետ կապված համաձայնեցումները բավական երկար են տևել, իսկ երկրի կառավարությունը սկսել է վիրուսը զսպելու շոշափելի միջոցառումներ իրականացնել պատվիրակության այցից ոչ շատ վաղ։
Համաձայն երկրի բուժհաստատությունների աղբյուրների՝ երկրում կա կորոնավիրուս, սակայն ցուցում է տրված հիվանդությունը բուժել որպես սովորական թոքաբորբ։ Հիմնականում երկրից դուրս գտնվող փոքրաքանակ ընդդիմությունը հույս ունի, որ ԱՀԿ-ն կբացահայտի երկրի համաճարակաբանական իրավիճակը և ևս մեկ անգամ միջազգային հանրության ուշադրությունը կսևեռի Թուրքմենստանի նախագահ Բերդիմուհամեդովի ավտորիտար վարչակազմի վրա։
Սակայն, նկատի ունենալով, թե վերջերս Բերդիմուհամեդովն ինչպես է պատրաստվել մինչև խմբի այցը, արտասահմանցի հյուրերը, ամենայն հավանականությամբ, կտեսնեն միանգամայն ընդունելի պատկեր, գրում է news.ru-ն։։
