Ադրբեջանն բռնազավթած ու հայաթափած Արցախում քանդում է Արցախի Հանրապետության ԱԳՆ շենքը։ Ադրբեջանական լրատվամիջոցները տարածել են շենքի քանդման լուսանկարները։
Թշնամի երկիրը հայկական արժեքենրը պղծելու, ոչնչացնելու յուրաքանչյուր գործողություն անում է՝ ոչ պատահական օր ընտրելով։ Սեպտեմբերի 2-ն Արցախի Հանրապետության անկախության օրն է, հենց այսօր էլ ադրբեջանցիները սկսել են Արցախի Հանրապետության ԱԳՆ-ի շենքի ոչնչացումը։
Հիշեցնենք, որ 1993 թվականի հուլիսի 23-ին Արցախի Հանրապետության Պաշտպանության պետական կոմիտեի նախագահ Ռոբերտ Քոչարյանի հրամանով սկիզբ դրվեց Արցախի Հանրապետության արտաքին քաղաքական գերատեսչության գործունեությանը։ Արցախի Հանրապետության պետական պահպանության կոմիտեի նախագահի քաղաքական հարցերով խորհրդական Արկադի Ղուկասյանը, որը գտնվում է Բաքվի բանտերում, ստանձնեց արտաքին գործերի նախարարի պաշտոնը։
