Ադրբեջանը շարունակում է դիտարկել ՀՀ-ում տեղակայված ԵՄ դիտորդների տեղաշարժը և դժգոհություն հայտնել այդ առնչությամբ:
Այսպես՝ ադրբեջանական ԶԼՄ-ները երկրի սահմանապահ ծառայության տեսանյութ են հրապարակել, թե ինչպես են ԵՄ դիտորդներն իրականացնում իրենց գործառույթը։
«Եվրամիության «դիտորդական առաքելության» արկածախնդիր գործողությունները Հայաստանում Ադրբեջանի հետ պայմանական սահմանին շարունակվում են»,-գրել է ադրբեջանական Report-ը՝ նշելով, որ «կադրերի համաձայն՝ դիտորդներն այս անգամ այցելել են Ղազախի և Կուբաթլուի շրջաններին սահմանակից տարածքներ»:
