Եվրոպական դեղերի գործակալությունը (EMA) խորհուրդ է տվել միոկարդիտը և պերիկարդիտն ավելացնել երկու պատվաստանյութերի կողմնակի ազդեցությունների ցանկին։ Դրանք են՝ Comirnaty պատվաստանյութը, որը մշակել են Pfizer-ը և BioNTech-ը, և ամերիկյան Moderna ընկերության մշակած Spikevax-ը: Այս մասին ասվում է կարգավորողի հայտարարության մեջ։
Միոկարդիտը և պերիկարդիտն իրենցից ներկայացնում են սրտամկանի բորբոքում: Ախտանիշները տարբեր են, հաճախ դրանք ներառում են շնչառության դժվարացում, սրտի հաճախացված բաբախում և կրծքավանդակում ցավ:
EMA-ի ներկայացրած արդյունքները հիմնված են միոկարդիտի և պերիկարդիտի ավելի քան 300 դեպքերի ուսումնասիրության վրա այն մարդկանց շրջանում, որոնք ստացել են մՌՆԹ պատվաստանյութերը:
