Առողջապահության համաշխարհային կազմակերպությունը մտահոգված է աշխարհում կորոնավիրուսային համաճարակի պայմաններում մարդկանց հոգեկան առողջության վիճակի վատթարացմամբ և մտադիր է իր ջանքերը կենտրոնացնել բնակչության բարեկեցության բարելավման վրա, հայտարարել է ԱՀԿ Եվրոպական տարածաշրջանային տնօրեն Հանս Քլյուգեն, որի խոսքերը հաղորդում է ՏԱՍՍ-ը:
«Ինձ անչափ մտահոգում է զուգահեռ համաճարակը՝ հոգեկան առողջության վաթարացումը: Մենք գիտենք, որ յուրաքանչյուր երկու դեռահասներից մեկը խոցելի է անհանգստության, դեպրեսիայի կամ նույնիսկ ինքնասպանության հակումների տեսանկյունից: Այսպիսով, ԱՀԿ-ն մտադիր է եռապատկել հոգեկան առողջությանն ուղղված ջանքերը և կենտրոնանալ բնակչության բարեկեցության վրա», ասել է նա:
Քլյուգեն նաև մտահոգություն է հայտնել, որ համաճարակի ընթացքում շատ վտանգավոր հիվանդություններ մնացել են առանց պատշաճ վերահսկողության և բուժման:
