Անհրաժեշտ է ձևավորել նոր նարատիվներ, որոնք չեն հանգեցնի հակառակ կողմի հակահումանիզմին։
Ինչպես հաղորդում է ադրբեջանական APA-ն, այս մասին հայտարարել է Ադրբեջանում գտնվող գրող և մշակութային մարդաբան Լուսինե Խառատյանը «Խաղաղության կամուրջ» նախաձեռնության շրջանակներում Ադրբեջանի և Հայաստանի քաղաքացիական հասարակության փորձագետների հանդիպմանը նվիրված մամուլի ասուլիսում։
«Կարևոր է ստեղծել նոր նարատիվներ, որոնք մյուս կողմին չեն ներկայացնում որպես հակահումանիստ , այլ կենտրոնանում են մարդկանց որպես մարդ ներկայացնելու վրա։ Որքան քիչ ատելության խոսք լինի լրատվամիջոցներում, այնքան ավելի առողջ, ավելի երկարաժամկետ և ավելի կայուն կլինի այս գործընթացը, և այնքան ավելի մեծ կլինի մարդկանց վստահությունը թե՛ գործընթացի, թե՛ խաղաղության ուղու նկատմամբ։ Ես կարծում եմ, որ սա շատ կոնկրետ քայլ է, որը կարող են անել երկու կողմերն էլ։
«Խոսքը անցյալը մոռանալու մասին չէ. մենք բոլորս հիշում ենք այն։ Սակայն կարևոր է, որ այս անցյալը չներկայացվի միայն հակառակ կողմի անմարդկայնացման պրիզմայով, այլ ընդգծվի մարդկային չափումը։ Այս առումով անհրաժեշտ են նոր մեդիա մոտեցում և նոր պատմություններ։ Միայն հանդիպումներն ու քննարկումները բավարար չեն, չնայած դրանք արդեն տեղի են ունենում», – նշել է Խառատյանը։
Նա նաև անդրադարձաել է լրատվամիջոցների դերին հարաբերությունների կարգավորման գործում։
«ԶԼՄ-ների դերը երկխոսության կառուցման և օրակարգի սահմանման գործում շատ նշանակալի է։ Օգոստոսից ի վեր այս ոլորտում որոշակի փոփոխություններ են նկատվել։ «Խաղաղության կամուրջ» նախաձեռնության մեկնարկից հետո նյութերի և հարցազրույցների թիվն աճել է։ Հայ փորձագետները հարցազրույցներ են տալիս ադրբեջանական լրատվամիջոցներին, իսկ ադրբեջանցի փորձագետները՝ հայկականներին։
Ավելին, ինչպես արդեն նշվեց, ատելության խոսքի մակարդակի նվազեցումը կարևորագույն նշանակություն ունի: Ամենակարևորը, մենք պետք է լրատվամիջոցների միջոցով մարդկանց բացատրենք, թե ինչ է խաղաղությունը: Շատերը լիովին չեն հասկանում դրա էությունը: Անհրաժեշտ է նաև բացատրել խաղաղության համաձայնագրի բերած օգուտներն ու դրական կողմերը:
Մենք շարունակելու ենք աշխատել այս ուղղությամբ», -ասել է Խառատյանը։
