Խուզարկվել են Վրաստանի նախկին վարչապետի, նախկին գլխավոր դատախազի և մի շարք նախկին պաշտոնյաների բնակարանները

Այսօր առավոտյան խուզարկություններ են անցկացվել Վրաստանի նախկին վարչապետ Իրակլի Ղարիբաշվիլիի տանը. ասվում է Վրաստանի գլխավոր դատախազության տեղեկատվության մեջ։

Խուզարկություններ են անցկացվել նաև Պետական ​​անվտանգության ծառայության նախկին ղեկավար Գրիգոլ Լիլուաշվիլիի և նախկին գլխավոր դատախազ Օթար Պարցխալաձեի տներում։

Խուզարկություններ են անցկացվել նաև տարբեր քրեական գործերի հետ կապված ութ անձանց բնակարաններում։ Առգրավվել են տարբեր էլեկտրոնային սարքեր, փաստաթղթեր և մեծ գումար:

Քննությունը շարունակվում է։