Թուրքիայում առաջին անգամ «Կատուների թանգարան» կբացվի: Այս մասին հայտնել է Էսքիշեհիրի (Թուրքիայի հյուսիս-արևմուտք) քաղաքապետ Յըլմազ Բյույուքերշենը:
Բյույուքերշենը հայտնել է, որ թանգարանի բացման աշխատանքները սկսել են այն բանից հետո, երբ թուրք արվեստագետ Բերնա Թյուրեմենը քաղաքապետարանին է նվիրել կատուների նկարների, քանդակների, խաղալիքների և տարատեսակ իրերի իր հավաքածուն, որը վերջինս ձեռք է բերել աշխարհի տարբեր երկրներից վերջին 50 տարիների ընթացքում:
Քաղաքապետի խոսքով՝ այժմ ընթանում են թանգարանի բացման աշխատանքները:
