Ադրբեջանի նախագահ Իլհամ Ալիևը հայտարարել է, որ Հայաստանի իշխանությունների ներկայիս դիրքորոշման պայմաններում երկրների միջև բանակցություններ չեն կարող լինել: Նա համապատասխան հայտարարություն է արել Россия 1 հեռուստաալիքի եթերում:
Ալիևը հայկական կողմին մեղադրել է անընդունելի պահանջներ դնելու մեջ, մասնավորապես մեջբերել է ՀՀ վարչապետ Նիկոլ Փաշինյանի խոսքերն այն մասին, որ «Ղարաբաղը Հայաստան է, և վերջ»:
Ադրբեջանի նախագահը հիշեցրել է ԵԱՀԿ Մինսկի խմբի կողմից մշակված այն սկզբունքները, «որոնց համաձայն նախկին ԼՂԻՄ-ին հարակից տարածքները պետք է փոխանցվեն Ադրբեջանին»:
