TRIPP-ի իրականացման շրջանակային փաստաթղթի ընդունումը ոչ միայն վերահաստատում է ամերիկյան կողմի հավատարմությունը օգոստոսի 8-ին Վաշինգտոնում կայացած գագաթնաժողովում ձեռք բերված պայմանավորվածություններին, այլև կարևոր քայլ է այս ոլորտում գործնական աշխատանքներ սկսելու համար. հայտարարել է Ադրբեջանի արտաքին գործերի նախարարության մամուլի ծառայության ղեկավար Այհան Հաջիզադեն՝ պատասխանելով «Թրամփի ուղու միջազգային խաղաղության և բարգավաճման» (TRIPP) իրականացման շրջանակային փաստաթղթի վերաբերյալ հարցին:
Նա նշել է, որ սա կարևոր է նաև Հայաստանի կողմից իր պարտավորությունների կատարման տեսանկյունից։
«Մեր երկրի գլխավոր առաջնահերթություններից մեկը Ադրբեջանի մայրցամաքային մասի և Նախիջևանի Ինքնավար Հանրապետության միջև անխոչընդոտ հաղորդակցության ապահովումն է։ Ավելին, TRIPP երթուղին կարևոր է նաև ավելի լայն տարածաշրջանում առևտրի և կապերի դիվերսիֆիկացման համար», – ընդգծել է Արտաքին գործերի նախարարության ներկայացուցիչը։
