«Կարող եմ միայն ասել, որ առաջին փուլում հայ-ադրբեջանական սահմանին կտեղակայվի մոտ 400 դիտորդ։ Առաջին դիտորդները երկու երկրների սահման կուղարկվեն Վրաստանում ԵՄ առաքելությունից։ Մենք անձնակազմը վերցնում ենք Վրաստանում մեր առաքելությունից՝ հիմնախնդրի հրատապության պատճառով»,- հայտնում է ԵՄ ներկայացուցիչը։ Այս մասին հաղորդում է ՏԱՍՍ-ը։
Հոկտեմբերի 17-ին, Լյուքսեմբուրգում հանդիպում կանցկացնեն ԵՄ 27 երկրների արտգործնախարարները։ Օրակարգի առանցքում կլինի ռազմական գործողություններն Ուկրաինայում։ Բացի այդ, ակնկալվում է, որ նախարարները «կանաչ լույս» կտան մեկ այլ առաքելության՝ օգնելու լուծել ադրբեջանա-հայկական սահմանին առկա խնդիրները:
